كان طموحي يوم طفولتي
 إني أصبح من الكبار
 حلم كان بيزيد متاعبي
 كان في حكم الإنتحار
 والنهاردة نفسي أبدل
 كل يوم عدي فمرار
مش بذنبي أبكي عمري
 والزمن لف ودار (هبة عبد الحليم)

لحد امتى .... ؟؟!!
هافضل بعيد عنك.. وتفضل مش معايا
لحد امتى؟!
تلعب سنيني بمهجتي .. ويموت صبايا
لحد امتى؟!
أشكي آلامي لوحدتي .. واكتم بكايا
لحد امتى؟!
حبيبي ساقعة شمستي .. بارد شتايا
لحد امتى؟!
 كتر الدموع في مقلتي .. غيم سمايا
لحد امتى ؟!
انت أنيسي في دنيتي .. وانت هوايا
وانت نصيبي وقسمتي .. وانت منايا
من غير وجودك انجرح .. ويطول شقايا
حار الأطبا في علتي .. وانت دوايا
حبيبي قرب .. ضمني .. حضنك كفاية
اسمع كلامي وصدقه .. ردد ورايا
لحد امتى بسئلك ؟! .. ركز معايا 

" بقلمي "

كلمتين واقفين فى زوري
نفسى أبوح وارتاح شوية
يعنى ايه اتعب واشقى
واتصدم وقت المهية
الحاجات بالسوق بتغلى
والفلوس زى ماهيا
شوف بكام كيلو البطاطس
دى الزيادة مش عادية
من ايجار لعلاج لهدمة
كهربا وده غاز ومية
ألف ايه بس ال لى تنفع
تتقبض والعيشة غالية
حامدة ربي ليل نهاري
شاكرة افضاله عليا
بادعى من قلبى بأمانة
تتملى بالخير إيديا
😍😍😍😍بقلمى هبة محمد عبد الحليم

يادنيا فيكي العجب
وأنا أسير العجايب
 يامضيعة اللي اختشي
 ومريحة العايب
  ياغابة من رعبها
 شعر الرضيع شايب
(هبة عبدالحليم)

عودا احمد

مدونتى العزيزة اشتقت اليك-

مش قصة حب

بحبك حب ولا شاف الزمن زيه
ياهمس القلب ونورك للنظر ضيه 
يا حدوتة وعيشاها 
وغونوية وسمعاها 
ويجى اليوم وبالاقها
بحبك حب ولا شاف الزمن مثلو
وجعتى القلب وياما كتير بينكسروا
وبتغرب وصوتى ينخنق ويموت
ومهما أقول كلامى ليكى يبقى سكوت
دى قصة حب مهيش قصة مابين حبيبين
انا وحدى وانتي يعشقك ملايين 
وانا هصبر لحد مكون مليت العين
وانا هصبر لحد مكون مليت العين
بقلمى