بأوراقى الممزقة
وأقلامى وممحاتى
أخط بأنملى الطفل
لأسمعهم حكاياتى
محاربة بلا سيف
وكاذبة بطولاتى
ولى قصص مغايرة
انا أسردها عن ذاتى
واملأها بضحكات
واشطب منها مآساتى
وارسمنى كأحلامى

مبالغة بشطحاتى
بقلمى
#هبة_عبدالحليم

صورة

صورة كانت ويا صورة
جوا ألبوم للصور
شايلة عمر جميل وعدى
خللى قلبى يفتكر
زكريات صحيت وفاقت
فرحة من صنع القدر
صحبة حلوة وفكر خالى
حلم سافر للقمر
يازمن صبرك عليا
ليه بتجرى انتظر
لسه جوايا امانى
اوعى قلبى ينكسر

رثاء بوك

كان عاجبني وهو فاضى
نفسى راضية وقلبي راضى
ولما يملى بابقى حامدة
ربى وبتحلى حياتى
كل قرش وراه حكاية
مش هدية مش جباية
شايلة فيه سهر الليالي
 شايلة ضحكة من عيالى
تشترى علبة زبادي
صورتى كانت فالبطاقة
بس فيا معدشى طاقة
اجرى واعمل مية خناقة
ولا حتى اصرخ وانادى
بأدعى ربى وهو عالم
عوضه ليا بسرعة قادم
يمحى سيرة كل ظالم
حقى يرجعلى السعادى

بقلمى هبة محمد عبد الحليم
# اللهم _ رد _ ضالتى

نصيب حبيبن

ولا كل اتنين ارتاحوا فهوا

ولا عاشوا العمر تملى سوا

دى قسم ونصيب

وسهام بتصيب

بتلاقى حبيب مشتاق لحبيب

علشانه الدنيا بحالهايسيب 

وبايده جراح القلب تطيب

ويكون لعيونه امان ودوا

ولا كل اتنين ارتاحوا فهوا

ولا عاشوا العمر تملى سوا

وسنين العمر تمر تفوت

اجسام بتعيش احساس بيموت

ومشاعر صامتة وملهاش صوت

ودموع فالعين وحنين مكبوت

واهو راح الحب وامتى يعود

من بعد غرام البعد نوا

ولا كل اتنين ارتاحوا فهوا

ولا عاشوا العمر تملى سوا

|

أفراح للبيع

خزن الافراح فقلبك
واوعى تيجى جنبها
يمكن الايام تطولك
يجى حزن يصدها
خزن الأفراح لا تغلى
تلقى يوم أسعارها تعلى
يومها يامسكين تدور
مين يسلف سعرها
هبة محمد عبد الحليم

اوطتى دى بكف نونو
ربنا يتمم شفاه
جيتها يوم عيدها بغنى
احلى نعمة فالحياه
روح وساكنة جوا منى
فرحى واصل منتهاه
حبها فالقلب حاكم
عايشة على حسه ومعاه
ربنا يحفظها ليا
بألتمس قربه  ورضاه
نورت بشموع تلاتة
تورتة من قمرى وضياه
تورتتك وعليها صورتك
من فانيليا وشيكولاه
لما  بتنادى ياماما
عمرى بيلاقى صباه
وألقى أحلامى ياسوسو
وأشكر المولى فعلاه
3-7-2019

بحبك حب

بحبك حب ولا شاف الزمن زيه
ياهمس القلب ونورك للنظر ضيه
يا حدوتة وعيشاها
وغونوية وسمعاها 
ويجى اليوم وبالاقها
بحبك حب ولا شاف الزمن مثلو
وجعتى القلب وياما كتير بينكسروا
وبتغرب وصوتى ينخنق ويموت
ومهما أقول كلامى ليكى يبقى سكوت
دى قصة حب مهيش قصة مابين حبيبين
انا وحدى وانتي يعشقك ملايين
وانا هصبر لحد مكون مليت العين
وانا هصبر لحد مكون مليت العين
بقلمى هبة محمد عبد الحليم حسين

ألف باب

أيت فى عينى الدموعا **** رأيت فى أفقى السحاب

هاقد أتى ناوى الرجوعا **** وملفقا سبب الغياب

من نارى أشعلت الشموعا **** قبلت أعتاب العتاب

فرأسى أدماه الخضوعا **** لسانى أنهكه السباب

فردت للحب القلوعا **** تخطفت سفنى الشعاب

قدرا وألزمنى الركوعا **** وأهاننى طول العذاب

قد حان للحق السطوعا **** أسئلتى تستجدى الأيجاب

(२)

ياصاحبى قد مر عيدى **** من دون اهدائى كتاب

ماوردة مست بريدى **** ولم يصلنى من خطاب

لم أرتدى عقدى الجديد **** مافاح عطرى بالثياب

قد كنت تحيا بالوريد **** اليوم أسكنك التراب

فبرأسك الصلد العنيد **** أحلت أحلامى سراب

ودعتنى بين الجليد **** وحسبت أن ثلجى ذاب

وعبثت بالحلم الوليد **** ويأسى احتل اللباب

ياصاحب القلب الحديد **** ياهائما بين الضباب

(३)

أهملتنى طيلة غيابك **** أودعتنى أيدى الذئاب

متسائلة عما أصابك **** متجرعة مر الشراب

ركضت يغريك شبابك **** وعدت تلتمس المتاب

أذقتنى سكرة عذابك **** أحدثت بالقصة انقلاب

يالاهيا ثقل حسابك **** وهديتى الليلة العقاب

ياحاملا جذوة شهابك ***** قد ضل مسعاك وخاب

فبليلتى أغلقت بابك **** وفتحت دونك ألف باب

أهملت باب ورفعت باب **** فالحب عندى ألف باب

لست أبالى

عذرا قلمى حقا عذرالست أبالى

أن أغدو كارت محروقا

أو أدفن فى قبر خالى

لست أبالى

ان عشت كذكرى فى سطر

أو أيقظنى موت خيالى

أهدى روحى للايمان

أو يسكننى كفر أمالى

صار الأبيض مثل الأسود

صار الراحل شق الدانى

ان حُملت بحب عاصف

أو أجهضنى ويل أثامى

عذرا قلمى أولا عذرا

اأنى بسخفى صرت أعانى

أعبث بحروف منهارةثم أقول عليها أغانى

أعزفنى كنشيد وطنى

أعرفنى أنثى الترحال

لست أبالى

عذرا قلمى حقا عذرا

لست أبالى

أن أغدو كارتا محترقا

أو أدفن فى قبري الخالى

لست أبالى

إن عشت كذكرى فى سطر

أو أيقظنى موت خيالى

أهدى روحى للايمان

أو يسكننى كفر أمالى

صار الأبيض مثل الأسود

صار الراحل شق الدانى

إن حُملت بحب عاصف

أو أجهضنى ويل آثامى

عذرا قلمى أولا عذرا

إني سخف صار يعاني

أعبث بحروف منهارة

ثم أقول عليها أغانى

أعزفنى انشودة وطن

اعرفنى أنثى الترحالِِ

لا تحفل لحديثى إني

عن نفسىَ ماعدت أبالى

لست أبالى

كلمتين واقفين فى زوري
نفسى أبوح وارتاح شوية
يعنى ايه اتعب واشقى
واتصدم وقت المهية
الحاجات بالسوق بتغلى
والفلوس زى ماهيا
شوف بكام كيلو البطاطس
دى الزيادة مش عادية
من ايجار لعلاج لهدمة
كهربا وده غاز ومية
ألف ايه بس ال لى تنفع
تتقبض والعيشة غالية
حامدة ربي ليل نهاري
شاكرة افضاله عليا
بادعى من قلبى بأمانة
تتملى بالخير إيديا
😍😍😍😍بقلمى هبة محمد عبد الحليم

لأ عايزة ورد
 وعايزة شيكولاتة وحنان
محتاجة أرجع زى ماكنت
معاك زمان
اكيد عقلت
وعمرى زاد
وبقيت صحيح أم الولاد
واكيد ملامحى اتغيرت
والنظرة فيا اتبدلت
وكلامى طول اليوم
بقى
خلاص يابت وبس
يا آد
جوايا طفلة بتنتظر
رنة مفاتيح حضرتك
 فتح البيبان
وعينها راشقة
فكيس فايدك
يبقى عيدك
لو فاكرنى
😛
بمصاصية
او يجى بجنيه لبان
مش جنان
ولا هى راحت علينا
وراح زمانا والآوان
واوعى تنسى تشترى
دبدوب كمان
انا عايزة ورد يا إبراهيم
بقلمى هبة محمد عبد الحليم

فى ناس رغم الفراق
بتموت علشان تعيش
تفضل فالقلب ذكرى
ابدا مابتنتهيش
سايبين مليون علامة
عايشة ليوم القيامة
فوشوشهم إبتسامة
عمرها مابتختفيش
حبايبنا اشتقناليهم
بالحلم بيزورونا
نلمح دمعة فعينيهم
نتمنى يعذورونا
بدعاء وصلة رحمهم
مشاغلنا بيمنعونا
يارب الرحمة ليهم
دول ياما استحملونا
دول ناس رغم الفراق
بتموت علشان تعيش
بقلمى هبة محمد عبد الحليم

وننسى انهم اطفال

وننسى انهم اطفال))))))
لأزمان ندللهم
كصلصال نشكلهم
بأسلاك نحركهم 
ونمنحهم فنحرمهم
حمايتنا تهاجهم
ونكسرهم ونهزمهم
وننسى أنهم أطفال
لهم عقل يزينهم
نجوم الفكر ترشدهم
لهم روح تداعبهم
بهم تسمو وتدعمهم
وكنا مثلهم أطفال
بقلمى هبة محمد عبد الحليم😇😄

لحد امتى .... ؟؟!!
هافضل بعيد عنك.. وتفضل مش معايا
لحد امتى؟!
تلعب سنيني بمهجتي .. ويموت صبايا
لحد امتى؟!
أشكي آلامي لوحدتي .. واكتم بكايا
لحد امتى؟!
حبيبي ساقعة شمستي .. بارد شتايا
لحد امتى؟!
 كتر الدموع في مقلتي .. غيم سمايا
لحد امتى ؟!
انت أنيسي في دنيتي .. وانت هوايا
وانت نصيبي وقسمتي .. وانت منايا
من غير وجودك انجرح .. ويطول شقايا
حار الأطبا في علتي .. وانت دوايا
حبيبي قرب .. ضمني .. حضنك كفاية
اسمع كلامي وصدقه .. ردد ورايا
لحد امتى بسئلك ؟! .. ركز معايا 

" بقلمي "

(أنا مش مداحة فرعون)
أنا هأكتب اللي هيعجبني
 ميهمش فين التيار
 مش هأمدح أي صاحب سلطة
ولا أطبل وأعمله فزار
 أنا حرة فرأيي مادام رأيي
 ميضرش ولا يشعل نار
 وهأقول للغولة عينك حمرة
 وأسدنا راح أقوله يافار
 أنا شايفة حقيقة معادنهم
وهأكشف كل الأسرار
 وأهو بكرة تاريخهم يلعنهم
 يدبحهم زي الجزار
 بطلت بحقي أستهون
 والليلة أقلبها دمار مش
 هأقبل عن حقي أتخلي
 لو جابوا كل الأعذار
 هأكتب عامي وفصحي
 راح أكتب ساعة بجد وساعة هزار
 (بقلمي هبة عبد الحليم)

بعد ما اتهد حيلنا
من غسيل حيطةو هدوم
بعد ما قربنا نفطس
نشتغل وكمان نصوم
عيد على الابواب يخبط
فيه بتفرح القلوب
فيه بنحيى كل سنة
نبتعد فيه عن ذنوب
مرحبا يا يوم سعادة
خالى دايما من العيوب
جت وباهدى مية تحية
للعرب كل الشعوب
بقلمى

إليك ساقنى قدرى
وكان أجمل الأقدار
فكنت الشمس والقمر_
وخير أنيس بنفس الدار
بصحبتك هو عمرى
وتزدان بك الأعمار
وان أكتب لك غزلى
ففيك النثر والأشعار
وفى خطواتى أو دربى
وفى حلى أو الأسفار
بقلمى هبة محمد عبد الحليم

عذرا محبوبي سامحني
 فحديثي سيكون ثقيل
 تحملها بين أصابعك
 بيضاء والخصر نحيل
ولغيظي حين تقبلها
وتدلل بالنار فتيل
 تقتات بأنفاس هواها
 تجعلها لطعامي بديل
وبقدر العشق سأكرهها
هي دوما للكره سبيل
 وغريمة قلبي شمطاء
 أوليس سيكفيني دليل
)شفتاك حين تلامسها
تتورم والسرد طويل
 وسعال ضاج بمضجعك
 أرداك مريض وعليل
 اليوم اليوم فودعها
 ولتصبر والصبر جميل
عندي أحلام أرغبها
وأريدك لليث مثيل
 تمت (شاعرة القطرين)ق

قصيدة

أنفاس العشق بمملكتى ** ستغير مجرى الأزمانا
وجبال الحب بخارطتى     ** اعتادت صوت البركانا
الريح تصاحب أشرعتى   ** وتغازل رمل الشطئانا
أوعزت السر لأوردتى     ** وأمرت بقتل الأحزانا
ألقيت بكامل أسلحتى ** قدمت خيالى قربانا
عتقت الفرح بأفئدتى   ** ونظرت قدوم الظمآنا
أرويه عصائر أنسجتى   ** أرديه بحبى سكرانا
أهديه مزاهر مزرعتى   ** يهدينى شقائق نعمانا
(بقلمى )

لأ عايزة ورد
 وعايزة شيكولاتة وحنان
محتاجة أرجع زى ماكنت
معاك زمان
اكيد عقلت
وعمرى زاد
وبقيت صحيح أم الولاد
واكيد ملامحى اتغيرت
والنظرة فيا اتبدلت
وكلامى طول اليوم
بقى
خلاص يابت وبس
يا آد
جوايا طفلة بتنتظر
رنة مفاتيح حضرتك
 فتح البيبان
وعينها راشقة
فكيس فايدك
يبقى عيدك
لو فاكرنى
😛
بمصاصية
او يجى بجنيه لبان
مش جنان
ولا هى راحت علينا
وراح زمانا والآوان
واوعى تنسى تشترى
دبدوب كمان
انا عايزة ورد يا إبراهيم
بقلمى هبة محمد عبد الحليم

على الأخلاق ربونى
على الآداب والقيم_
إلى التعليم قادونى
وأطلقوا بيا الهمم_
نعم أنثى أنا فعلا
ولست أقلكم عقلا
أنا الآمال ابنيها
وأحمل عزة الأمم
بقلمى
هبة محمد عبد الحليمق

اتبهدلت انا فالتدريس

شكلها كده قلبت تدبيس
ضاعت صحتى فالتأسيس
ومرتبى أجرة اتوبيس
نفسى أجيب لعيالى بوليس
طول اليوم ضرب وتقريص
هاتى تيشرت حزام وقميص
هطفش منهم أروح لباريس
يمكن بنتى يجلها عريس
بس ياخوفى يطلع سييس
ايه رأيكو بقى فالتهييس

بقلمى

أميرى العزيز مصطفى موسى
 نعم لم تبدأ قصتنا كقصص ألف ليلة وليلة
لا لم تلتقينى فى حفل راقص
ولم أنتظر منتصف الليل لأسقط فردة حذائى
لم تكتب عنى قصائد ولم تذكرنى فى رواياتك
كانت بداية ظهورك بحياتي عادية جدا
ليست أسطورة تسجلها سطورى ويخطها قلمى
فوق صدر بياض وريقاتى
كنت مجرد رقم يضاف إلى قائمة طالت وامتدت
ثم تلونت بوجودك دنياى
فأصبحت قدرى وقدرتى على الاستمرار
لم يكن سحر أن تتوجنى على عرش قلبك
بل كان نصيب بعلم الجميع وبشهادة الشهود