نبع الحنان

كل عيد أهديكى وردة
برفانات وكروت معايدة
اكتبك فى سطورى ياما
اندهك واقول ياماما
                                فرحة القلب النهاردة
اوصف الاحساس يكون
ملكة تعشقها العيون
او فراشة بألف لون
ضحكة تقضى عالشجون
                                 قصة تستاهل المشاهدة
عمر عدى وسن زاد
طفلتك جالها الميعاد
أم صارت للولاد
عن عيونك مش بعاد
                                  مغرمين وقلوبنا واحدة
تحت رجلك شفت جنة
قلبى ويا ولادى غنا
نهدى تيتة هدية منا
طول ماقلبك راضى عنا
                              مبسوطين والفرحة زايدة
وردتين انا باهديهملك
ياللى عمرى كله ملكك
راحتى كانت كل همك
حبى يجرى جوا دمك
                ياللى عالحنية واخدة
كل عيد اهديكى وردة
برفانات وكروت معايدة
#هبة_عبدالحليم  نبع الحنان