انا بجرى ورا حلمى
وتاه منى
ومش لقياه
لا انا قادرة اعيش سنى
وظالمنى
وفاكرين أننا عيشاه
ساعات بضحك من انى
انين قلبى انا كتماه
وبستحمل وبتحمل واعديها
يومين جابوا شهور جابوا
سنين عمرى تمر معاه
قلوب حمرة على صفحات وبرسمها
ولون الدم بعيونى انا شيفاه
#هبة_عبدالحليم

لست كعادتها حالمة محلقة بروحها
الى عنان سقف مخيلتها ترسمه وقد جاء
كأروع مايكون فارس
حاملا لها زهورها المفضلة
بألوانها الصفراء
وبيده مفتاح قلبها
بسيطة هى لم ترغب فى
مزيد من كلمات الغزل
فربما صمته هو ٱبلغ عندها
من دواوين الشعراء
كذب الشعراء وصدق هو
فصمت ولم يشوه هيبة حضوره
بكلمات حتى ولو كانت جميلة
فما قيمة كلمة فى ميزان الاحلام
فلربما ليس لهذا الحضور
خلقت الكلمات

tagإشارة إلى صورةpin

شهر الصوم

متبعدشى ياشهر الصوم
ومتقولش خلاص كام يوم
ده كان القلب مستنى
وكان مليان بكا وهموم
مرض وبلاء وصدر يضيق
وبعده دعاء بقلب رقيق
دموع فعيون مانمسحها
بدون ضحكة فوش صديق
وبقيامنا مع صيامنا
ده طوق لنجاة لشخص غريق
وكان نفسى يهل العيد
واتهنى وقلبى سعيد
واصلى العيد كما تعودت
واشوف ابنى بلبس جديد
يارب دعايا يتقبل
وسوء أحوالنا يتبدل
ويبقى تاريخ ويتسجل
ما يخلف فرحنا المواعيد
متبعدشى ياشهر الصوم
بقلمى
#هبة_عبدالحليم

مليون عنوان

""مليون عنوان""""""
عنوانى مش بس مكان
ولا حارة وشارع وميدان
ولا فارقة قرية ولا مدينة
والصحرا زى البستان
عنوانى تكتبه افعالى
انجازى هو البرهان
طوبة عزيمة وطوبة تحدى
أبنينى أبنى الإنسان
رغم رياح الغدر هعدى
وهتوصل مركبى بأمان
وتاريخى هابدأه من عندى
مش هرجع لحكاوى زمان
عنوانى سكنتنى حروفه
أنا ليا مليون عنوان
بقلمى هبة عبد الحليم
#هبة_عبدالحليم