خطوة أمل

خايفة ليه من شعرة بيضا


نورت وسط السواد


نظرتك على إيه حزينة


عاملة ليه فيها حداد

اسمعى منى نصيحة

تبلغى بيها المراد

لسه باقى ألف فرصة

تتلحق قبل الميعاد

متخافيش من عمر يجرى

يسرق الحلم الجميل

اصبرى ده الصبر طيب

ايده خضرة مش بخيل

اقفلى ودنك واوعى

تسمعى كلمة (خلاص)

خلى أهدافك طريقك


مبدأك فيه الأساس

ثورتك تقلب نظامه

تخلعى أكبرها راس

ينهدم قصر الهزيمة


يتبنى برج الحماس

بكرة جاى بفرحة ليكى

توبها أبيض عالمقاس


كعبها عن أرضه عالى


جه على الأحزان وداس


فرحة من صنعة إيديكى

مش تسول وإلتماس

ياأميرة فى بلاطك

ياخليفة شهرزاد

خايفة ليه من شعرة بيضا

نورت وسط السواد


********


ألف وش بيظهرولك


والكلام بيلونوه


قالوا قطر الحب فاتك


قالوا كدب وصدقوه


رغم حلمك وإحتمالك


رغم صبرك بيشوفوه

زوروا قصة حياتك


حتى إسمك شوهوه

ظلم من الأحباب وجالك


يوم وفاتك أعلنوه


افتحى للحب بابك


حتى لو جم يقفلوه


نبض إحساسك شبابك

استحالة يمنعوه

اظهرى ضحكة عينيكى

اعلنى لحظة ميلاد

خايفة ليه من شعرة بيضا

نورت وسط السواد


*********


هو فى فى الدنيا أجمل

من بياض التلج لون


ايه هتفرق شعرة بيضا


فى حياتك إيش تكون


لو مضيقاكى اصبغيها


وابهرى بيها العيون


واصلى مشوارك شعارك


((مش هيقتلنى الجنون


عاملة دستورى زهورى


والربيع عملاه قانون))


قربى جنة خيالك


خلى أحزانك بعاد

خايفة ليه من شعرة بيضا


نورت وسط السواد


_بقلمى_




7-9-2011

(((أرمز للشعرة البيضاء لإحساس المرأة المبالغ به بعمرها ونظرة المجتمع فى المقابل
وليس بالضرورة أن تكون شعرة فى الرأس فشيخوخة القلب أفظع

جرة قلم

جرةقلم
يفرح غريب الدار بلمة صحبته حواليه


ويدور يفرق هنا وسعادته مالية عينيه


يعزم حبايبه على ورقة بصنع ايديه




سعيد بجرة قلم رسمت طريق أمانيه




كتبت شهادة ميلاد والموت بقى لأعاديه



ورقة تمنها شلن وكلامها ألف جنيه





نطق الورق بالحق واسمع يقولك ايه.

................................................. ...........................
ياإنسى ياابن البشر اصرخ خايف من ايه





ان كات دى جرة قلم قلبت عاليه لواطيه





جرجر فى سن القلم وان كان عطش ارويه






شعلل نيران الغضب اياك فى يوم تطفيه






خللى طموحك غيط وازرع أمل أراضيه
ده بين صوابعك سيف شوف رغبته وإرضيه
وان جه فى يوم اتقصف جيب التاريخ يبريه
يفضح صفار الورق يدهن سواد بلاويه
.................................................. ...............
اكتب كفانا بكا رجع الهوا لأهاليه
جرة قلم حضرتك هتجرجر ابن الايه
كان مستخبى فى ورق فاكر الورق يحميه
يِِِنعم بجرة قلم من فيض كرم معاليه
يافرحة اللى انوعد بإشارة هترقيه
وياحسرة اللى انطرد من جنته يرميه
وهو نفس القلم يايجيبه يايوديه
ثار الورق على الورق مسح القلم خطاويه
سجن وستايره ورق حبر ورصاص حواليه
ثورتنا جرة قلم جريانه يمحى ماضيه
َنور فى بطن السما قتل النهار لياليه
لكل صاحب قلم على راسى وبأحييه
_بقلمى _

قارئة الكف (بقلمى)

على صفحات كفيك ****** قرأت خطوط أحلامى رسمت اليوم مزدهراً ***** محوت الراحل الدامى جعلت الكف برديتى ***** وموطن نبض أقلامى وطفت أصوغ أشعاراً ****** وكفك سر إلهامى وأكتب فى الهوى حرفى ****** وأشكو منه أيامى **************************** أناديك بأبياتٍ ****** أبثك فيها أشجانى وأحكى عن مغامرةٍ ****** رواها القاصى للدانى وجدت الكف قيثارة ******* هممت بعزف ألحانى ******************** أناشيداً أرددها ****** لأنعش موت أيامى وألقى الضوءَعن كثبٍ ****** ليصدح صوتُ أنغامى ****************************** وأطلى وجه كفيك ****** بسحر جمال ألوانى وأرسمُ فيك لوحاتاً ****** تغازل كفك الحانى وأغمسُ رأسَ فرشاتى ****** بزُرقةِ نهرك الجارى *************************************** نقشتُ بكفك وطناً ****** حرستَ حدود أوطانى بعثت الطرف رحالاً ****** أشاءُ خلاصَ أجفانى أتاك الطرف طواعاً ****** يزفُ حنين وجدانى *********************************** أنا أدعوك ياكلى ****** لما ترضى بإيلامى قضيت العمرَ ناظرةً ****** ألاحق طيف أوهامى ************************************* ووجهك كنتُ أرسمه ****** بحبرِ نزيف شريانى إلىّ مد كفيك ****** وذرنى أُشِيد بنيانى خطوط الكف أقرأها ****** أفسرها بتبيانى فخطُ القلبِ ممدوداً ****** وفيه أضعت عنوانى وخطُ العمر يرسمنى ****** ويدفعنى لهذيانى ******************************** بحقِ الله لاترحل ****** تكبلنى بأغلالى أنا بالكف ممسكةً ****** ونورٌ فيه أضوانى فدعنى ساعةً أغفو ****** وفى كفيك فانسانى بقلمى (هبه عبد الحليم) 23-5-2011 الساعة الثامنة والنصف مساءاً القاهرة

مجرد سطور (بقلمى)

على بر الأمان خطوت دوماً محاربة تنادى بالسلامِ وعن لغط الكلام نذرت صوماً فمل الفم تكرار الصيامِ أجافى لهفتى والشوق صحواً فيأتى الشوق ركضاً بالمنامِ أمانع شكوتى والريب قهراً وأعرف هيبتى سر إلتزامِ قتلت مسائلى فى الحبِ بحثاً وساءت صورتى بين الأنامِ أصاحب فرحتى والدمع دهراً وأخنق نوبتى بالإبتسامِ تكللنى تيجان النصر يوماً وتعلو هامتى بالإحترامِ فأغدو فى دروب الجهل شهراً وأسعى سائلة حق إنهزامِ بقلمى (شاعرة القطرين) 3-6-2011

طأطأطأطأ (بقلمى)

طأ طأ طأطأ طأ طأ طأطأ مهما هأقولك مش هتسدأ هتبصلى بعينيك وتبحلأ بعد مانُص بلدنا إتفرأ وبقى النهب شريعة ومبدأ والإخلاص بقى حاجة تزهأ أف خلاص سفينتنا هتغرأ ومفيش حد يوميها هيلحأ طأطأ طأطأ طأ طأ طأطأ نجم فى وسط الضلمة ملألأ قالوا عميل مدسوس ومهزأ وف دولارات عمال بيبعزأ بعد رجوعه لبلد المنشأ بالاتينية لسانه إتلزأ ومعاه أجندة لازم تتطبأ طأطأ طأطأ طأطأ طأطأ قامت ولعة فظيعة بتحرأ ب الحرامية تحيط وتزنأ لسه عيونهم راح تتخزأ حلم حياتنا إبتدا يتحأأ خليك واثق اوعى تلألأ بص لصورة الدنيا ودأا هتشوف بكرة جميل ومحندأ طأطأ طأطأ طأطأ طأطأ بقلمى (هبه عبد الحليم) 4-6-2011

أمانة عليكى يادنيا


تفوتى عليا وتعدى



دى نظرة عطف من عندك




تلاقى الشكر من عندى




صحيح جناحاتى مكسورة




صحيح حلمى على أدى




وبروازى بلا صورة




وبستان الأسى خدى




ايديكى بفرحى مغلولة




تضنى عليا وتعاندى




وكفك بالهموم مداه



تجيبى جراح ولا تودى




تهادينى بأشواكك



وموجك يلتهم شطى




بلسعة شمس مسعورة




تدوب عضمى على جلدى




لكنى بتوبى مستورة



ولو انه مهوش وردى



نيران الشمس يبعدها




ومن برد الشتا يغطى



وأنا راضية مادام راضى




يسكنى الرضا بيته



ينيمنى على فرشة




يقولى ارتاحى واتمدى




اقوله الصبر طال بيا



يقولى اهى ليلة وتعدى


ويعنى العمر كام ليلة




أعيشه بغربتى وحدى



أمانة عليكى يادنيا



نادينى بإسمى لو مرة



ودلينى على العنوان



قوليلى ان انا حرة



فى كاسى ادلقى شهدك



ويلا نفذى وعدك




ادى العطشان وادى الجرة



تحلى دنيتى المُرة



وهأفضل ليكى مضطرة



وهأفضل مغرمة عطفك




وأحلف إن ده وعدى



نصيبى ألمح الضحكة




وأشوفها ساعات يدوب صدفة



وقلبى بالحنين يفتح



وأبواب الهوى قافلة



معاندة معايا


ايه يعنى


هأعيشها حياتى لو ثانية


أمانة عليكى يادنيا

يوماً خرجنا فى غضب (بقلمى )

فرعون حيت تمرد *** وتجاوز كل الحدود

أغراه طول مكوثه *** وبظنه نال الخلود

قد قال إنى ربكم *** وبحضرتى وجب السجود

أزهو بحسنى بينكم *** وبعزتى سر الوجود

عندى زمام أموركم *** وأسوقكم شأن القرود

الله أكبر فوقك *** سبحان ذو العزة الودود

أدميت شعبك كله *** والنار أججها الوقود

قد بعت نفط دمائنا *** ودموع جرحانا نقود

عز الأمان بأرضنا *** وأحيط قصرك بالجنود

كرسى عرشك ذلنا *** وشعارك ظلم يسود

ماكان جبناً صمتنا *** فالقهر أخرسنا عقود

يوماً خرجنا كلنا *** وتجيشت فينا الحشود

لنريك صدق مسيرنا *** ماعدنا ننتظر الوعود

علم الزمان قيامنا *** وشواهد القبر الشهود

فرعون فإسمع قولنا *** اليوم فإرحل لاتعود

لون من السحر يقاوم النسيان (بقلمى)

من قبل أن أشدو وأعزف الألحان

لا أرتضى فناً يحيا بغير أمان

أو أبتغى حرفاً يمحى من الحسبان

قصيدتى ملكى وتشهد الأزمان

لون من السحر يقاوم النسيان

من قبل أن أكتب وأملأ الأوراق

دموعى فى عينى تعيش فى الأحداق

صغيرتى أقتبست ودمها قد راق

وقاتلى يحيا يقول مما راق

وليدتى أغتصبت لسحرها البراق

وحيدة صارت لأمها تشتاق

ياسامعاً صوتى أبكى من الأعماق

لو جاءك خبرى فلتستجيب الآن

لون من السحر سحر من الألوان

من قبل أن أشدو وخالقىّ المعبود

بيدىّ إن أعطى أعطى بغير حدود

من فيض أشعارى جواهر وورود

وخيط أفكارى بخاطرى معقود

إياك أن تنقل سطراً بلا إستئذان

لون من السحر يقاوم النسيان

من قبل أن أهجو وأطلق الألقاب

لحقوقى طالبة لا أسعى نحو عقاب

أرانى ساعية بمعونة الأصحاب

فكلنا أخوة دموعنا تنساب

حروفنا نقشت بمنتهى الإيمان

لون من السحر يقاوم النسيان

يعلمنى (بقلمى)

أمسكت بالقلم وقلت علمنى

حسبت من جهلى بأنك قادر

أضعت عنوانى وأنت تفهمنى

فعقلك واعٍ وذهنك حاضر

غيرت إسلوبى وحرفى حيرنى

وأغلب الظن بأنك شاعر

تعانق الفكر وفكرى عاندنى

فصلت من قلبى زناده الناحر

سكنت بالورق وحبرى دللنى

وجئت مشتاقة لفيضك الزاخر

تداعب العلم وعلمى أهملنى

لازلت مبتدئة ومنطقى قاصر

بأمرى لاتهتم (بقلمى)

عندما إمتطيت براقك وعقلك

وشققت طريق الرحيل

ولم تلتفت لآهاتى وتوسلاتى لك بالبقاء

لم تمنح لقلبى فرصة أن يودعك الوداع الأخير

ولا أن تذرف عينى من أجل قصتنا دمعتين

وعدتك سابقا أن أنقش إسمك فى سجل الفخر لكل العاشقين

واليوم أعدك بأنه يوم عودتك

ستجد جسد اً له ملامح جسدى

ووجهاً يحمل ملامحى

وأذن تلتفت حين نطقك إسمى

لكن للأسف لن تكون هى أنا التى كانت

بإنتظارك فيوم رحلت ودعتك فودعتنى إلى الأبد

أنا قد كنت أفرزتك هنا من بين سطورى

وتوجتك تاج قلبى وسميتك الفارس لجميع أحلامى

وهنا أيضا ولسخرية القدر من بين نفس السطور

سيكون مرقدك الأبدى

وسأترك منك مجرد ذكرى لكل من تضع قلبها

بين يدى شهريار مثلك

رياضته المفضلة اللعب بالقلوب الخضراء

إن كل ماسأتركه من ذكرياتى وأنت

هما قطرتان سأحفر بهما حرف إسمك الأول

الذى طالما زينت به فمى وعلقته على جدار صدرى

وبجواره سأكتب أول حرف من إسمى كآخر ضحاياك

مهو مش كلام (بقلمى)

مع كل حرف بيتولد

فوق شفة حرقاها ألآم

تطلع بحبِك ترتعش

محبوسة فى سجن الزحام

مشكلتى إنى بعشقك

وزمنا راسى مركبه

فى موانى عشاق الكلام

عيزانى أنافقك أخدعك

مواويل ..أغانى والسلام

طيب .........تمام!!!!

ياأم الشفايف عنبرىوالرمش من حقه وسام

تفاح خدودك هأقطفه

أنا قلبى خارج من صيام

وبعلو صوتى هأندهك

تعاليلى أسقيكِ غرام

..............................

هأكدب وهأكسب لقمتى

بأكدب وأصدق كدبتى

تبقى المحبة لعبتى

ولاحد هيقولى حرام

بالذمة ده يبقى كلام؟؟؟؟

الجوع منشف معدتى

وبكايا قاتل فرحتى

الفقر سود دنيتى

وبقيت حطام

أعيا وملاقاش الدوا

وسحابة سودة فى الهوا

النخل من دمى إرتوى

ومتزعليش لو ينفلت منى الزمام

وإزاى هأغازل ملمحك

أو حتى أقدر ألمحك

وأنا وانتى ياكل المنى

وسط الظلام؟؟؟؟

عن عينى قطعوا الكهربا

صبحت سنينى متعبة

بعتولى أحلام مرعبة

حرمونى أنام

لو أقول بحبك أتصلب

بقانون طوارىء ينكتب

لو صوتى يعلا أنضرب

تحت الحزام

....................

وعشان عيونك هأحتمل

لو ألف جرح هيندمل

مشوارى بيكى يكتم

لياأرق من طير الحمام

رافض أغير ذمتى

أو أبيع فى أرضِك وأتسأ

لراح أبيع بكام

لا بكيلو حب بيتوزن

ولا بالجرام

وده مش كلام

بالفعل أحبك والعمل

أزرع فدادينك أمل

ومشاعرى إنتاج مش كسل

ومهيش كلام

مهو مش كلام